"Реал" клуб тизимида 15 йил ўтказган футболчиси билан хайрлашди

Ўнг қанот ҳимоячиси Лоренцо Агуадо Мадриднинг "Реал" клубини тарк этиб, эркин агентга айланди. Асосан "Кастилья" шарафини ҳимоя қилган 22 ёшли футболчи билан ҳамкорлик 28 июль, душанба куни расман якунланди.

Футболчи "қаймоқранглилар" тизимида жами 15 йил ўтказган, аммо асосий жамоада атиги уч марта ўйнаган. Испанияликнинг пойтахт гранди таркибидаги ягона ўйини январь ойида "Депортиво Минера"га қарши кубок баҳсида бўлиб ўтганди ва ўша ўйинда жамоа 5:0 ҳисобида ғалаба қозонганди.

"Кастилья" сафида Лоренцо Агуадо 36 та ўйинда майдонга тушиб, 2 та гол урган ва 1 та голли узатмани амалга оширган.