Мадриднинг "Реал" клуби икки йиллик танаффусдан кейин "Олтин тўп" тақдирлаш маросимига қайтишга қарор қилди. Жамоанинг бир қатор футболчилари 26 октябрь куни Лондонда ўтадиган тадбирда иштирок этиши кутилмоқда.
L’Équipe нашрининг хабар беришича, мадридликлар бу сафар маросимга анча кенг таркибда боришни режалаштирган. Сентябрь ойида клуб Килиан Мбаппе, Винисиус Жуниор, Жуд Беллингем ва Марк Кукурельянинг мукофотга номзодлар рўйхатига киритилганини эълон қилган эди.
Эслатиб ўтамиз, "Реал" 2024 йилда Винисиус Жуниор "Олтин тўп"ни қўлга киритмаслиги маълум бўлгач, Париждаги маросимни бойкот қилган. Ўшанда бош соврин "Манчестер Сити" ярим ҳимоячиси Родрига насиб этган.
Мадридликлар 2025 йилда ҳам ушбу тадбирдан ўзини четга олган. Ҳатто клуб футболчилари номзодлар орасида бўлишига қарамай, жамоанинг расмий ижтимоий тармоқларида мукофот ҳақида хабар берилмаган.
Бу йил эса вазият ўзгармоқда. Асосий мукофотдан ташқари, Тибо Куртуа мавсумнинг энг яхши дарвозабони, Ян Диоманде Golden Boy, Фелиция Шрёдер эса аёллар ўртасидаги шу каби совринга даъвогар сифатида тилга олинмоқда.
Россия терма жамоаси собиқ футболчиси Ўзбекистонни Нигерияга тенглаштирди
«Олтин тўп» ғолиби номи маросимдан олдин ошкор бўлдими?
Месси — учинчи, Ямал — иккинчи: "Олтин тўп" учун асосий фаворит номи маълум бўлди
