Разамбек Жамалов UFC'дан таклиф бўлганини айтди

Эркин кураш бўйича Ўзбекистон терма жамоаси аъзоси, Париж-2024 Олимпиадаси ғолиби Разамбек Жамалов ММАга ўтиш эҳтимоли ҳақида гапирди.

Жамаловнинг сўзларига кўра, таниқли менежер Али Абдел-Азиз унга бир неча бор фаолиятини ММАда, хусусан UFC'да давом эттириш таклифини берган. Шундай бўлса-да, Разамбек бу таклифга аниқ жавоб бермаганини айтган.

Маълумот ўрнида, Али Абдел-Азиз UFC билан тўғридан-тўғри алоқага эга менежер бўлиб, Хабиб Нурмагомедов, Ислам Махачев, Камару Усман сингари таниқли UFC жангчиларининг менежери ҳисобланади.