"Фейеноорд" ҳимоячиси Тирелл Маласиа "Манчестер Юнайтед"га ўтди.
22 ёшли футболчи билан 2026 йилнинг ёзига қадар шартнома имзоланди. Шартнома яна бир мавсумга узайтириш вариантини ўз ичига олади.
Хабар қилинишича, "МЮ" футболчининг трансфери учун 17 миллион евро тўлайди: 15 миллион дарҳол, яна икки миллион бонуслар билан.
Маласиа Нидерландия чемпионатининг ўтган мавсумида 32 та ўйинда 1 та гол урди ва 4 та голли узатмани амалга оширди.
