Рақобат қўмитаси “Uzum nasiya” номидан фойдаланаётган фирибгарлардан огоҳлантирди

Қайд этилишича, охирги вақтларда компания номидан фуқароларга қўнғироқ қилиб, уларга ютуқ чиққани ва олиш учун шахсни тасдиқлаш кераклигини айтиб, уларнинг телефонига келган SMS-кодни олишга уриниш ҳолатлари кўпайган.

Аслида эса, улар фуқаролар номига муддатли тўлов шартномаси расмийлаштириб, ҳеч қандай товар етказиб бермаган.

Қўмита бундай ҳолатларнинг олдини олиш, камчиликларни бартараф этиш бўйича “Shaffof-Moliya” МЧЖ, “Uzum Market” МЧЖ ва Марказий банкка тегишли мурожаатлар юборган.