Рамазон Темировга яхшигина рақибни таклиф қилишди

14 декабрь куни АҚШнинг Лас-Вегас шаҳрида ММА бўйича UFC Vegas 112 турнири бўлиб ўтганди.

Мусобақа доирасида ўта енгил вазн тоифасида UFC рейтингида иккинчи ўриндаги америкалик Брэндон Ройвал Португалия вакили Манель Капега ютқазиб, тўртинчи поғонага тушиб кетди.

FightHQTV нашри ушбу турнир якунларидан келиб чиқиб, Ройвал учун кейинги жангни тахмин қилди. Нашр Ройвалга ўзбекистонлик UFC жангчиси Рамазон Темировни рақиб сифатида кўрсатган.

Рамазон ҳозирда допинг учун дисквалификация муддатини ўтказмоқда. У UFC'да ҳозиргача 2 та жангда қатнашиб, ҳар иккисида рақибларидан устун келган. Рейтингда 13-ўринга қадар кўтарилган.