Баъзи Европа давлатлари Теҳроннинг ядровий дастури бўйича Қўшма кенг қамровли ҳаракатлар режасида ўз мажбуриятларини бузганликларига жавобан Эрон уранни 60% ёки ундан кўпроқ миқдорда бойитмоқда.
Бу ҳақда Эрон президенти Иброҳим Раиси CNN телеканалига берган интервюсида маълум қилди.
“Биз бу қадамларни Европанинг учта давлати томонидан мажбуриятларнинг бузилишига жавобан қилдик. Аввалига биз ўз мажбуриятларимиздан келиб чиқиб, 60 фоизгача бойитишни мақсад қилганимиз йўқ”, деди давлат раҳбари.
Раиси сўзларига кўра, Теҳрон бу ҳаракатлар ядровий қуролга эга бўлишга қаратилган эмас, балки европаликларнинг ўз мажбуриятларига “садоқатсизлиги”га жавоб эканлигини расман эълон қилган.
“Агар улар [...] ўз мажбуриятларига қайтсалар, Ислом республикаси аввалгидек ўз мажбуриятларига содиқ қолишига ишонч ҳосил қилинг”, деди у.
