Қўшма Штатлар Россияни "енгиб бўлмас оғриқ" билан таҳдид қилди

АҚШ республикачи сенатори Линдси Грэм Россия Украинада “30 кунлик оташкесим”га рози бўлишига умид билдирди ва агар рад этса, қаттиқ санкциялар қўлланилишидан огоҳлантирди.

“Украина АҚШнинг 30 кунлик оташкесим ҳақидаги таклифига рози бўлди. Трампнинг жамоаси ажойиб. Умид қиламанки, Россия ҳам бунга эргашади. Агар Россия рад этса, биз уларга нисбатан санкциялар қўллашимиз керак”, — деб ёзган Грэм Х ижтимоий тармоғида.

Сенатор Конгресс томонидан назарда тутилган санкцияларни "нафақат Россияга таъсир қилади, балки Россия товарларини, хусусан, нефт, газ ва уранни сотиб олувчи давлатларга ҳам санкциялар ва божлар жорий этиши" билан таҳдид қилди.

"Россия Украинага шафқацизларча бостириб кириши натижасида енгиб бўлмас иқтисодий азобни аллақачон ҳис қилиши керак эди", - дея таъкидлади америкалик сиёсатчи.

11-март куни Саудиянинг Жидда шаҳрида бўлиб ўтган учрашувдан сўнг, Украина Россия томонидан ҳам худди шундай ҳаракатларни ҳисобга олган ҳолда зудлик билан 30 кунлик оташкесимга рози бўлди.

Украина ташқи ишлар вазири Андрий Сибига бундай вақтинчалик оташкесим муҳим эканини айтиб, "бу ҳеч қандай тарзда музлатилган можаро ҳақида эмас"лигини таъкидлади.

Москва вазминлик билан жавоб берди. Россия Ташқи ишлар вазирлиги матбуот котиби Мария Захарова Россия "ўз позициясини шакллантиришини" айтди, Россия манбалари эса Reuters агентлигига президент Владимир Путин Американинг 30 кунлик оташкесим ҳақидаги таклифини қабул қилиши даргумон.