“Қуръони Карим ва ўзбек тилидаги маънолари таржимаси” қайта нашр этилди

Шайх Муҳаммад Содиқ Муҳаммад Юсуфнинг “Қуръони Карим ва ўзбек тилидаги маънолари таржимаси” китоби қайта нашр этилди. Бу ҳақда “Ҳилол нашр” хабар берди.
 
Мазкур китоб – китобхонлар томонидан мамнуният билан кутиб олинган “Тафсири Ҳилол”нинг қисқартирилган, махсус нашри бўлиб, унда фақат оятларнинг асли ҳамда маъноларнинг ўзбекча таржимаси берилган. Бу эса Қуръони Каримни тиловат қилувчилар учун қироат давомида оятларнинг мазмуни билан ҳам танишиб бориш имконини беради, дейилади хабарда.
 
“Қуръони Карим ва ўзбек тилидаги маънолари таржимаси”нинг муқаддимасидан унинг ушбу нашрнинг ўзига хос хусусиятлари ҳақида кенг маълумот олишингиз мумкин.