2025-йил 7-апрел куни вояга етмаган бола оила аъзоларига моддий кўмак кўрсатиш мақсадида ўқишни ташлаб, амакиси ҳамроҳлигида Қозоғистон Республикасига жўнаб кетган.
Бироқ, 2025-йил 2-май куни Қозоғистон Республикасида ушбу вояга етмаган Ўзбекистон фуқароси ота-она қарамоғисиз қолган ҳолатда аниқланиб, махсус ижтимоий хизматлар муассасасига жойлаштирилган. Гарчи бола Қозоғистонга ишончнома асосида олиб ўтилган бўлса-да, мамлакат амалдаги қонунчилигига мувофиқ, бундай муассасалардан вояга етмаган шахсни фақат унинг ота-онаси олиб чиқиш ҳуқуқига эга.
Ўзбекистон Республикаси Президенти ҳузуридаги Ижтимоий ҳимоя миллий агентлиги ва Ички ишлар вазирлиги томонидан кўрилган тезкор чоралар натижасида бола 2025-йил 20-май куни Ўзбекистонга олиб келинди.
Ҳозирда ушбу вояга етмаган бола қонуний вакили — онасига топширилди. Кейинги босқичда эса унинг яшаш ҳудуди бўйича реабилитация чоралари ва ижтимоий қўллаб-қувватлаш ишлари тизимли равишда давом эттирилади.
Маълумот учун: жорий йил бошидан буён Қозоғистондан жами 12 нафар ота-она қарамоғисиз қолган вояга етмаган Ўзбекистон фуқароси ватанга қайтарилди. Ҳозирда яна 5 нафар бола давлат ёрдами асосида қайтарилишини кутмоқда.
Марказий Осиё халқлари учун Россия энди қизиқ эмас
"Ким Чен Инни суд қилиш вақти келди"
Россия ўт очишни тўхтатиш учун иккита шартни илгари сурмоқда — Bild
