Қозоғистонда ҳалокатга учраган Озарбайжон авиакомпаниясининг AZAL самолёти йўловчиларини қутқаришдаги иштироки учун Фавқулодда вазиятлар вазирлигининг бир гуруҳ қозоғистонлик ходимлари, шифокорлар, полиция ходимлари, Манғистау ҳудудий электр тармоқлари корхонаси ва Актау халқаро аэропорти ходимлари давлат мукофотлари билан тақдирланди.
Бу ҳақда Қозоғистоннинг Манғистау вилояти маъмурияти маълум қилди.
Жумладан, вилоят раҳбари Нурдаулет Килибай Қозоғистон Президенти Қосим-Жомарт Токаев фармонига мувофиқ 19 кишидан иборат гуруҳга давлат мукофотлари – орден ва медалларни топширди, яна 51 кишига вилоят ҳокимлигининг ташаккурномалари топширилди.
Эслатиб ўтамиз, 25 декабрь куни Қозоғистоннинг Актау шаҳри яқинида Боку-Грозний рейсини амалга ошираётган AZAL йўловчи самолёти ҳалокатга учраган эди. Самолёт бортидаги 67 кишидан 38 нафари ҳалок бўлган, 29 нафари тирик қолган. Дастлабки маълумотларга кўра, самолёт жисмоний ва техник ташқи аралашув натижасида қулаган.
Жаҳон IQ рейтинги: энг ақлли инсонлар қайси давлатларда яшайди? Ўзбекистон нечанчи ўринда?
Алишер Қодиров Қонунга қарши овоз берган ҳамкасбларига мурожаат қилди: “Истеъмолчининг 3 тадан 2 таси ёшлар. Ярми қизлар”
Яна бир йирик давлат БРИКС аъзосига айланди
