Неймар: «Роналдунинг фикрига қўшиламан»

«Ал-Ҳилол» ҳужумчиси Неймар Криштиану Роналдунинг фикрини қўллаб-қувватлади.

Аввалроқ, Криштиану Роналду Саудия Арабистони чемпионатини Франция чемпионатидан устун қўйганди.

«Криштианунинг фикрига қўшиламан. Бугунга келиб Саудия Арабистони чемпионати Франция чемпионатидан кучлироқ.

Саудия Про лигаси савияси тобора ўсмоқда, бу лигага келаётган ўйинчилар савияси ҳам борган сари яхшиланаяпти.

Шунга қарамай, Франция чемпионатининг ҳам кучли жиҳатлари бор. Бу турнирда кўп йил ўйнадим, юқори савиядаги турнир», - дейди Неймар.