Вьетнам ва Қозоғистоннинг бир қатор банклари Россиянинг МИР тўлов тизими карталарини қабул қилишни тўхтатди. Бу ҳақда “Известия” хабар бермоқда.
Газетанинг ёзишича, хусусан, МИР карталари энди Вьетнам BIDVда қабул қилинмайди.
Банк ходимининг сўзларига кўра, BIDV VISA, Mastercard, Western Union, JCB, UnionPay карталарига хизмат кўрсатишда давом этмоқда, бироқ МИР тўлов тизими бу рўйхатда йўқ.
Шунингдек, Қозоғистон Халык Банк (Халык Банк) МИР карталарини қабул қилишни тўхтатди. Қайд этилишича, карталарга на терминаллар, на банкоматлар орқали хизмат кўрсатилмайди.
