Тахминан уч йил давомида Угледар Донбасс жанубидаги Украина мудофаасининг таянчи бўлиб келган, бироқ шаҳар ҳозир Россия қўшинлари томонидан босиб олиниш арафасида, деб ёзади The New York Times.
«Угледардаги мағлубият Украина ҳарбийлари учун ҳам стратегик йўқотиш, ҳам рамзий зарба бўлади, чунки бу шаҳар Россия ҳужумини тўхтатишда марказий роль ўйнаган», деб таъкидлайди нашр.
Нашр суҳбатлашган украиналик аскарларга кўра, Угледарнинг йўқотилиши русларга муҳим логистика маркази ҳисобланган Покровск йўналишидаги ҳужумларни кучайтиришга имкон беради. Бу, шунингдек, Украина жанубидан Қримга ўтадиган Россия таъминот линияларига босимни юмшатади, шунингдек, Угледар шимоли ва ғарбидаги баъзи ҳимояланган ҳудудлар ва қишлоқларни Россия ҳужумларига дучор қилади.
«(Руслар) Водянойга борадиган йўлни назорат қилиш учун босим ўтказа бошлаганларида ва қанотлар бўйлаб ҳаракатлана бошлаганларида, агар ҳудудга қўшимча кучлар юборилмаса, биз мағлуб бўлишимиз мумкинлиги маълум бўлди», деди бригада командири Роман NYT'га.
NYT газетасига украиналик аскарлар айтишича, шаҳарда позицияларни сақлаб қолиш учун деярли жой йўқ: «Логистика издан чиққани сабабли, у ерда қолиш амалда имконсиз.»
«Дунёда нефть тугайдиган аниқ кун» маълум бўлди
Пенсия ёши ошиши ҳақидаги гап-сўзларда жон борми?
Дунёдаги энг катта ҳаво кучларига эга 5 та давлат
