Қирол Чарлз III Берлинда Украинани қўллаб-қувватлади.
"Британия ва Германия Россия босқинига қарши курашда Украина билан бирлашади. Биз елкама-елка туриб, умумий демократик қадриятларимизни ҳимоя қиламиз ва тарғиб қиламиз. Буни бугун Украина билан биргаликда асоссиз тажовузга қарши туриб, эркинлик ва суверенитетни ҳимоя қилаётганимиз яққол кўрсатиб турибди", дея таъкидлади Британия монархи Германия томонидан ташкил этилган зиёфатда.
Чарлз III Берлинга 29 март чоршанба куни келган. Бу унинг қирол мақомида Германияга биринчи ташрифи.
