Қирғизистонда 5 август куни содир бўлган 5,6 магнитудали зилзила оқибатида 14 та турар-жой ва бошқа бинолар қисман зарар кўрган. Бу ҳақда ТАССга республика Фавқулодда вазиятлар вазирлиги маълум қилди.
“Кеча, 5 август куни Жалолобод вилоятида содир бўлган зилзила оқибатларини ўрганиш бўйича комиссиянинг дастлабки маълумотларига кўра, зарар кўрган турар-жой ва ижтимоий объектлар сони 14 тага етди”, деди вазирлик вакили.
Унинг сўзларига кўра, Майлуу-Суу шаҳрида ижтимоий объектлардан бирининг деворларида “ёриқлар ҳосил бўлган”. Вилоятнинг Сузоқ ва Бозорқўрғон туманларида ҳам турар-жой бинолари ва уй-жойларга зарар етгани қайд этилган.
Республика Фавқулодда вазиятлар вазирлиги раҳбари Бообек Ажикеев комиссияга ер силкинишлари оқибатларини ўрганишни давом эттириш бўйича топшириқ берди.
Қирғизистонда 5 август куни соат 19:44 да Ўзбекистон билан чегара яқинида 5,6 магнитудали зилзила содир бўлди. Маилу-Сувда зилзила кучи 5 балл, вилоят маркази Жалолободда 4 баллни ташкил қилган.
Манбаи 23 километр чуқурликда бўлган ер силкинишини Қирғизистон пойтахти (2,5 магнитудали), шунингдек, Ўзбекистон аҳолиси ҳам ҳис қилди, деб хабар берди tass.ru.
Машҳур актёр ўз квартирасидан ўлик ҳолда топилди
ФИФА Аргентина терма жамоасини 2026 йилги жаҳон чемпионатидан четлаштириши мумкин
Қаршида саунада фаолият юритган фоҳишахона аниқланди
