Қўшни Қирғизистон ўзида кам қувватли атом электр станциясини қуради.
Ўтган йили иқлим ўзгариши ва қурғоқчилик омили ортидан, Қирғизистонда электр энергиянинг 72 % ини ишлаб чиқарадиган гидроэлектр станцияларда сув омборидаги сув билан боғлиқ вазият туфайли режадагидан кам ток ишлаб чиқиш ҳолатлари кузатилди. Қирғизистон шуни тушундики, эндиликда сувдан электр олиш доимо барқарор эмас, бошқа турдаги электр энергия ишлаб чиқадиган станцияларни қуриш керак.
2022-йил 20 январь куни Россиянинг кам қувватли ядро технологиялари тақдимоти бўлиб ўтган Дубайдаги «Экспо 2020» Бутунжаҳон кўргазмаси доирасида, «Росатом» давлат корпорацияси ва Қирғизистон Республикаси Энергетика вазирлиги кам қувватли атом электр станциялари қурилиши соҳасида ҳамкорлик меморандумини имзоладилар.
Имзоланган ҳужжат доирасида томонлар Қирғизистондаги РИТМ-200Н реактор заводи негизида кам қувватли атом электр станциясини қуриш бўйича ҳамкорликни ривожлантиришдан манфаатдор эканликларини билдирдилар.
Украина президенти Россия билан музокараларга тайёр эканини айтди
АҚШда Украина ҳақида кутилмаган баёнот берилди
Москва Исроилнинг эҳтимолий ҳужумидан ҳимоя қилиш учун Эронга замонавий қирувчи ва ҳаво мудофаа тизимларини топшириши мумкин
