Қарши шаҳрида истеъмолга яроқсиз алкоголь маҳсулотларининг муомалага киритилишининг олди олинди

Истеъмолга яроқсиз алкоголь маҳсулотларининг муомалага киритилишининг олди олинди

Бош прокуратура ҳузуридаги Департаментнинг Қарши шаҳар бўлими томонидан ўтказилган терговга қадар текширувда Чироқчи туманидаги “L.X.” фермер хўжалигига қарашли савдо дўконида тегишли ҳужжатлари бўлмаган турли номдаги қалбаки акциз маркали жами 1 931 дона истеъмолга яроқсиз алкоголь маҳсулотлари сотувга қўйилганлиги аниқланиб, ушбу маҳсулотлар ашёвий далил сифатида олинган.

Мазкур ҳолат юзасидан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.