Қамал остидаги Ғазо: озиқ-овқат ва дори-дармонсиз 11 кун

Исроилнинг Ғазо электр таъминотини узиши ва ёрдам блокадаси давом этмоқда; Қатар музокараларга мезбонлик қилмоқда.

Исроилнинг Ғазо секторини тўлиқ қамал қилиши 11-кундан бери давом этмоқда, ҳудудга озиқ-овқат, ёқилғи ёки дори-дармонлар киритилишига рухсат берилмаяпти.

Исроилнинг ҳалокатли ҳужумлари давом этаётган бир пайтда, ҲАМАС "янги музокаралар босқичи бошлангани"ни эълон қилди. Музокаралар учун АҚШнинг махсус вакили Стив Виткофф ҳам Қатарга етиб келди.

Ғазода ушлаб турилган баъзи исроиллик асирларнинг оилалари бош вазир Бинямин Нетаняхудан Ғазога электр энергияси етказиб беришни тиклашни сўради, деб хабар қилмоқда Исроил оммавий ахборот воситалари.

Ғазо Соғлиқни сақлаш вазирлиги Исроилнинг Ғазога қарши урушида камида 48 515 фаластинлик ҳалок бўлгани ва 111 941 нафари яраланганини тасдиқлади. Ғазо ҳукуматининг Матбуот хизмати вайроналар остида бедарак йўқолган минглаб фаластинликлар ўлган деб тахмин қилинаётганини айтиб, қурбонлар сонини 61 700 дан ортиқ кишига етганини маълум қилди.