Путин Трамп ва Си билан дунёни бўлиб олишни муҳокама қилмоқчи

Кремль Владимир Путин, Дональд Трамп ва Си Цзиньпиннинг Хитойдаги Осиё-Тинч океани иқтисодий ҳамкорлиги саммити доирасида учрашувини ташкил этиш ғоясини илгари сурмоқда.
Сиёсатшунос Владимир Фесенко фикрича, Путиннинг мақсади 1945 йилги Ялта конференциясига ўхшаш форматни яратиш — дунёдаги таъсир доиралари ва халқаро тартибни уч давлат ўртасида муҳокама қилиш.
Кремль Украинадаги уруш ва унинг келажагини Киев ҳамда Европа иштирокисиз муҳокама қилишни истамоқда. Бироқ АҚШ ҳозирча бундай уч томонлама форматга рози эмас.

Фесенконинг таъкидлашича, Путин Трамп ва Сини Россиянинг Украина уруши бўйича шартларини қўллаб-қувватлашга ёки камида рози бўлишга кўндиришга ҳаракат қилиши мумкин.