Криштиану Роналдунинг Португалия терма жамоасидаги келажаги ноаниқлигича қолмоқда. 41 ёшли ҳужумчи миллий жамоа раҳбарияти билан юзага келган келишмовчиликлар сабаб навбатдаги йиғинда иштирок этишни истамаяпти.
CNN Portugal журналисти Руй Сантушнинг маълум қилишича, футболчи ўзини ноҳақ муносабат қурбони деб ҳисобламоқда. Роналдунинг фикрича, унга нисбатан адолатсизлик қилинган ва воқеанинг асл тафсилотлари жамоатчиликка тўлиқ етказилмаган.
Можаро УЕФА Миллатлар лигасининг Норвегияга қарши учрашувидан кейин бошланган. Португалия 2:1 ҳисобида ғалаба қозонган баҳсда Жорже Жезуш Роналдуни майдонга туширмаган. Бундан норози бўлган ҳужумчи терма жамоа қароргоҳини рухсатсиз тарк этган.
Португалия футбол федерацияси ушбу ҳаракати учун «Ан-Наср» футболчисини 30 кунга четлатиб, 255 евро жаримага тортган. Дисквалификация қоидабузарлик санасидан ҳисоблангани боис у расмий ўйинларни ўтказиб юбормайди.
Бироқ Сантушнинг таъкидлашича, муаммо фақат интизомий жазода эмас. Роналду федерацияга бўлган ишончини йўқотган ва ҳозирча миллий жамоага қайтмасликка қарор қилган.
FPF президенти Педру Проэнса ҳужумчи билан муносабатларни тиклаш мақсадида ҳар куни алоқа ўрнатишга ҳаракат қилмоқда. Шунга қарамай, томонлар ўртасидаги келишмовчилик ҳали бартараф этилмаган.
Баҳодир Жалолов жангдан кейин нега Абдуқодир Ҳусанов ва Эрлинг Холанд олдига борди?
Шоҳжаҳон Эргашевнинг Тошкентдаги жанги жанжал билан ниҳоясига етди
Россиялик марҳум боксчи умрининг сўнгги 11 йилида гапирмагани маълум бўлди
