Месси ва Роналду барча даврларнинг энг яхши «Олтин тўп» соҳиби номини қўлга киритиш учун курашади

«Олтин тўп» ташкилотчилари мукофот тарихидаги энг яхши ғолиблик мавсумини аниқлаш мақсадида мухлислар ўртасида Ballon d’Or of All Time (B.O.A.T.) овоз бериш жараёнини бошлади.

Рўйхатдан ушбу совринни камида икки марта қўлга киритган 10 нафар футболчи ўрин олган. Овоз беришда уларнинг ҳар бир ғолиблик мавсуми алоҳида вариант сифатида тақдим этилган.

Овоз беришда иштирок этаётган футболчиларнинг тўлиқ рўйхати:

1. Лионель Месси, Аргентина (2009, 2010, 2011, 2012, 2015, 2019, 2021, 2023).

2. Криштиану Роналду, Португалия (2008, 2013, 2014, 2016, 2017).

3. Роналдо, Бразилия (1997, 2002).

4. Марко ван Бастен, Нидерландия (1988, 1989, 1992).

5. Мишель Платини, Франция (1983, 1984, 1985).

6. Карл-Хайнц Румменигге, Германия (1980, 1981).

7. Кевин Киган, Англия (1978, 1979).

8. Франц Беккенбауэр, Германия (1972, 1976).

9. Йохан Кройф, Нидерландия (1971, 1973, 1974).

10. Альфредо Ди Стефано, Испания (1957, 1959).

Мухлислар овози учун кураш 2026 йил 27 октябрь куни Париж вақти билан соат 23:59 да якунланади. Овоз бериш натижалари эса 28 октябрь куни мукофотнинг расмий веб-сайти ва ижтимоий тармоқларида эълон қилинади.