Россия келажакдаги ҳарбий тўқнашувларга тайёргарлик кўриш учун мудофаа-саноат мажмуаси қувватларини кенгайтириши лозим, деди чоршанба куни Ҳарбий-саноат комиссияси йиғилишида Россия президенти Владимир Путин.
Путиннинг айтишича, Россия мудофаа заводлари аллақачон қурол-яроғлар, алоқа тизимлари ва радиоэлектрон кураш воситалари ишлаб чиқаришни икки баравар кўпайтирган, шунингдек, Украинада жанг қилаётган армияга 4 мингта зирҳли машина ва танк, 180 та самолёт ва вертолёт, 1,5 миллиондан ортиқ учувчисиз учиш аппарати, жумладан, виртуал реаллик (ФПВ) тизими орқали бошқариладиган 4 мингта дрон етказиб берган.
"Мен жуда яхши биламан ва бу ердаги бугунги йиғилишимизда қатнашаётганларнинг кўпчилиги ҳам мендан кам билмайди: бу қурол-яроғлар ҳали ҳам етишмаяпти. Етарли эмас," - дея таъкидлади Путин.
У яна шуни қўшимча қилдики, жорий йилда ҳарбий-саноат мажмуаси олдига аввалгидан "янада кенг кўламли" вазифалар қўйилган, мудофаа заводлари қувватларини кенгайтириш дастури эса 400 дан ортиқ корхонани қамраб олади.
"Одамларни кўзсиз ва қўл-оёқсиз ушлаб туришмоқда": Россия урушни қандай олиб бормоқда?
Украина АҚШга жавоб берди
Россияга янги зарба! Нефть бозори Россияни силкитмоқда
