Путин Лукашенкони табриклади

Путин Лукашенкони президентлигининг 30 йиллиги билан табриклади.

Россия президенти Владимир Путин Беларус давлати раҳбари Александр Лукашенкони давлат раҳбари сифатидаги 30 йиллик фаолияти муносабати билан табриклади.

Бу ҳақда Беларус президенти матбуот хизмати маълум қилди.

«Замонавий давлат институтларининг барпо этилиши ва ижтимоий-иқтисодий соҳадаги муҳим ютуқлар билан белгилаб қўйилган Беларуснинг бутун замонавий тарихи сизнинг номингиз билан узвий боғлиқдир.

Беларус сайловчилари сизга олти марта кетма-кет олий давлат мансабини ишониб топширди ва бу сизнинг ватандошларингиз орасида катта обрў-эътиборга эга эканлигингиздан далолат беради», — дейилади Путиннинг табрик мактубида.