"ПСЖ" украиналик футболчига россиялик дарвозабонни жамоадан четлатишга ваъда берди

"Борнмут"нинг украиналик ҳимоячиси Илья Забарний Франциянинг "ПСЖ" клуби қизиқишлари доирасида қолишда давом этмоқда. Журналист Берк Гелнинг ёзишича, Париж гранди украиналик футболчи жамоага ўтса, россиялик Матвей Сафоновни таркибдан четлатишга ваъда берган.

"ПСЖ" Забарний билан музокаралар чоғида клубда россиялик футболчилар бўлмаслигини маълум қилди. Сафонов фаолиятини давом эттириши мумкин бўлган вариантлар орасида Истанбулнинг "Галатасарой" клуби тилга олинмоқда.

Матвей "ПСЖ" сафига ўтган йилнинг ёзида "Краснодар"дан келиб қўшилганди. 26 ёшли посбоннинг шартномаси 2029 йилнинг июнь ойи охиригача мўлжалланган. Унинг бозор нархи 20 миллион евро.