Францияда «Пари Сен-Жермен» клубининг Чемпионлар лигаси финалидаги ғалабасидан сўнг юз берган тартибсизликларда қарийб 800 киши ҳибсга олинди, 200 дан ортиқ киши жароҳат олди.
Мамлакат ички ишлар вазири Лоран Нунез маълум қилишича, жабрланганлардан саккиз нафарининг аҳволи оғир. Тартибсизликларни бартараф этиш учун минглаб ҳуқуқ-тартибот ходимлари сафарбар қилинган.
Париж марказида мухлислар пиротехника воситаларини ёқиб, гулханлар ташкил қилган. Полиция оломонни тарқатиш учун кўздан ёш чиқарувчи газ қўллаган.
Расмий маълумотларга кўра, тартибсизликлар оқибатида олтита автомобиль, икки корхона мулки ва автобус бекатига зарар етган. 780 киши ҳибсга олинган бўлиб, уларнинг 450 нафардан ортиғи ҳибсда сақланмоқда.
Шунингдек, Париж ҳалқа йўлидаги воқеалар вақтида бир кишининг жасади топилгани хабар қилинди.
Франциялик сиёсатчи Марин Ле Пен вазиятни танқид қилиб, мамлакатда футбол клуби ғалабаси оммавий тартибсизликларга сабаб бўлаётганини таъкидлади.
Таъкидланишича, ўтган йили ҳам «Пари Сен-Жермен»нинг Чемпионлар лигасидаги ғалабасидан кейин шунга ўхшаш тартибсизликлар содир бўлиб, икки киши ҳалок бўлган эди. Бу йил хавфсизлик чоралари кучайтирилганига қарамай, ўнлаб полиция ходимлари жароҳат олди.
1 июндан тарифлар ошади: олдиндан тўлов қилганлар 2 ой эски нархда тўлайди
Канада - Ўзбекистон ўйини соат нечада бошланиши ва қайси канал орқали трансляция қилиниши маълум бўлди
Каннаваро Ҳусановдан бошқача ўйнашни талаб қилди!
