"ПСЖ" "Барселона"нинг трансфер мақсадини қўлга киритиши мумкин

"Кристал Пэлас"нинг ўнг қанот ҳимоячиси Даниэль Муньос "Пари Сен-Жермен" радарларига тушди.

Парижликлар Ашраф Ҳакимий Чемпионлар лигасининг сўнгги турида "Бавария"га қарши ўйинда олган жароҳатидан сўнг ўнг қанот ҳимоясини кучайтириш устида бош қотиришди. Transfer News Live’нинг Fichajes нашрига таяниб хабар беришича, "ПСЖ" қишки трансферлар ойнасида Муньос билан шартнома имзолаш имкониятини кўриб чиқмоқда. 29 ёшли футболчига аввалроқ "Барселона" даъвогарлик қилганди.

Transfermarkt талқинига кўра, колумбиялик футболчининг нархи 25 млн еврони ташкил этади. Футболчининг "Кристал Пэлас" билан амалдаги шартномаси 2028 йилгача мўлжалланган бўлиб, уни яна бир йилга узайтириш имконияти мавжуд.