«ПСЖ» бош мураббийи Луис Энрике Чемпионлар лигасида «Барселона»га қарши баҳс олдидан жамоадаги жароҳатлар сони ҳақида фикр билдирди. Каталон клуби ҳам, парижликлар каби, ўзаро учрашув арафасида бир нечта муҳим футболчиларини йўқотишди.
Энрике Le Parisien нашрига шундай деди:
«Ҳар доим ижобий кайфиятни сақлаш керак. Афсуски, тўрт кундан кейин бизда “Барселона”га қарши баҳс бор ва унга 5–6 асосий ўйинчиларсиз чиқамиз. Бу ҳам биз учун, ҳам рақиб мураббийи Ханси Флик учун, ҳам икки жамоа мухлислари учун ёқимсиз ҳолат».
«Пари Сен-Жермен» клуби Чемпионлар лигаси гуруҳ босқичи 2-туридан ўрин олган «Барселона»га қарши баҳс олдидан икки муҳим футболчисини жароҳат сабаб йўқотди. Жамоага жароҳат туфайли яримҳимоячи Витинья ва вингер Хвича Кварацхелия ёрдам бера олмайди.
Айни дамда парижликларнинг жароҳатлар рўйхатида тўрт футболчи бор: Усмон Дембеле, Дезире Дуэ, Маркиньос ва Жоау Невеш.
Эслатиб ўтамиз, Чемпионлар лигаси гуруҳ босқичи 2-туридан ўрин олган «Барселона» — «ПСЖ» учрашуви 1 октябрь куни Барселонада бўлиб ўтади.
Ўзбекистоннинг "ЖЧ–2026" гуруҳ босқичидаги рақиби ўзгариши мумкин
Гвардиола Ҳусанов сариқ карточка олган вазият ҳақида фикр билдирди
Элмурод Ҳақназаров бразилиялик рақибидан устун келди
