Филиппин президенти Родриго Дутерте полицияга ниқоб тақмаганларни қўлга олишни буюрди.
"Полицияга ниқоб тақмаганларни қўлга олиш ва улар нима учун бундай қилаётганини аниқлаш топшириғини бердим", - дея унинг сўзларидан иқтибос келтирмоқда Осиёдаги ОАВ.
Хусусан, ниқобни нотўғри таққанлар – оғиз-бурнини беркитмасдан жағига тушириб олганлар ҳам полиция томонидан ушланади.
"Бу мамлакатимиз манфаати, бошқаларга касаллик юқтирмаслигингиз ва ўзингизга ҳам касаллик юқмаслиги учун", - деган Дутерте.
Пандемия бошланганидан буён Филиппинда 1 млн нафардан ортиқ инсон коронавирус юқтирган, 17 мингдан ортиқ бемор вафот этган.