Польшада янги адлия вазири 50 га яқин судья ва амалдорни ишдан бўшатди

Польшада Адлия вазирлиги ва Бош прокуратурани бошқаришни яқинда бошлаган Вальдемар Журек суд-ҳуқуқ тизимида оммавий ишдан бўшатишларни амалга оширмоқда. Бу ҳақда Polsat телеканалига таяниб, Report хабар берди.

Вазирнинг сўзларига кўра, у фақат ислоҳотларни қўллаб-қувватлайдиган ва ҳеч қандай саботажга йўл қўймайдиган кадрлар билан ишлашни мақсад қилган.

«Мен фақат ишончли ва саботажга йўл қўймайдиган ходимлар билан ислоҳотларни давом эттиришни хоҳлайман», — деди Журек матбуот анжуманида.

Қандай ўзгаришлар амалга оширилди?

• 46 нафар маҳаллий судлар раҳбарлари ва уларнинг ўринбосарлари ишдан олинди

• Шунингдек, 9 нафар Адлия вазирлиги ходими ҳам ишдан бўшатилди

Журек ўз вазифасидаги асосий мақсадини «қонун устуворлигини тиклаш» деб атади.