Полша ТИВ раҳбари: АҚШнинг нафақат Украинага, балки Европага ҳам қизиқишини бутунлай йўқотишига тайёр туришимиз лозим

"Умид қилишимиз мумкин ва керак, аммо шу билан бирга тайёргарлик кўришимиз ҳам зарур. Ишонинг, лекин сергак бўлинг. Бугунги дунё аҳволини ҳисобга олсак, бу Европа ҳал қилувчи танлов олдида турганини англатади: буюк давлатлар қаторида ўйнаб, жаҳон ҳаракатида иштирок этиш ёки ўзини четга суриб қўйишга маҳкум этиш. Россияни тийиб туриш қўлимиздан келади. АҚШнинг ҳарбий салоҳиятига тенглашишимиз шарт эмас; демократик миллий давлатлардан иборат ягона Европа ҳамжамияти билан тўқнашув юз берганда, Путинни ғалаба қозониш имкониятларини қайта баҳолашга мажбур қилиш учун етарли кучга эга бўлишимиз кифоя," - деди Радослав Сикорский.