Полша ташқи ишлар вазири Радослав Сикорский 12 сентябр куни Украина пойтахти Киевга ташриф буюрди. Уни вокзалда Украина ташқи ишлар вазири Андрей Сибиха кутиб олди, деб хабар берди Полша ТИВ ижтимоий тармоқдаги саҳифасида.
Сибихага кўра, Полша вазирининг ташрифи “Россиянинг Украинага қарши кучайган террор ҳаракатлари ва Полшага қарши провокациялари фон”ида амалга ошмоқда.
«Биз биргаликда қатъиймизни. Бугун умумий хавфсизлик, Украинанинг ЕИ ва НАТОга қўшилиши, Москвага босим масалалари бўйича мазмунли музокаралар олиб борамиз. Полшага раҳбарият ва қўллаб-қувватлови учун миннатдорман», — деди Сибиха.
Украина ОАВнинг ёзишича, Киевга шунингдек Сассекс герцоги шахзода Гарри ҳам келган. У Invictus Games Foundation жамоаси билан бирга ярадор украиналик ҳарбий хизматчиларни қўллаб-қувватлаш бўйича янги ташаббусларни тақдим этиш ниятида.
Ташриф доирасида шахзода Гарри Украина Миллий тарихи музейига бориши, бир гуруҳ фронтовиклар ва Украина бош вазири Юлия Свириденко билан учрашиши режалаштирилган.
Интервюда шахзода Гарри минглаб оғир жароҳатланган хизматчиларга ёрдам бериш учун «қўлимиздан келганини қилишни хоҳлашини» таъкидлади.
