Polityka материалида қайд этилишича, Польша гўёки узоқ масофадан туриб Россия ҳудудидаги нишонларни йўқ қилишга тайёрланмоқда. Бу ҳақда РИА Новости ёзмоқда.
Нашр маълумотларига кўра, мамлакат қўшинлари Бош штаби бошлиғи Веслав Кукула Қуролли Кучларни ривожлантириш бўйича янги концепцияни тақдим этган.
Бу концепцияда "Польша Россия кучининг муҳим нуқталари ва ресурсларига узоқдан зарба бера оладиган куч сифатида тасаввур қилинади." Шу билан бирга, нашрнинг таъкидлашича, ҳужум содир бўлган тақдирда Москванинг реакцияси ўзини куттирмайди.