Трамп ҳамон умид қилмоқда

АҚШ президенти Дональд Трамп ўз маъмурияти Эрон билан келишувга эриша олишига умид билдирди.

Америка етакчиси бу баёнотни Флоридада журналистлар билан суҳбатда айтди.

"Умид қиламанки, биз келишувга эриша оламиз", деди у.

Шу билан бирга, президент АҚШнинг минтақада "дунёдаги энг катта ва энг кучли кемалар" жойлаштирилганини таъкидлади.

Оқ уй раҳбари Куба билан боғлиқ вазиятга ҳам тўхталди: "Биз Кубадаги энг юқори мартабали одамлар билан гаплашяпмиз. Менимча, биз Куба билан келишувга эришамиз", деб қўшимча қилди у, қандай келишувни назарда тутганини аниқ айтмасдан.