Покистонда июн ойи охирида муссон мавсумига кирган кучли ёмғир ва шунга боғлиқ ҳодисалар туфайли камида 279 киши ҳалок бўлди ва 676 киши жароҳатланди.
Бу ҳақда ОАВлар табиий офатларга қарши кураш миллий бошқармаси маълумотига асосланиб ёзмоқда.
1500 дан ортиқ бино вайрон бўлган, юзлаб одамлар эвакуация қилишга мажбур бўлинган. Чорвачилик ва деҳқончиликка катта зарар етди.
Ҳисоботга кўра, шарқий Панжоб вилояти энг кўп қурбон бўлган – 151 киши ҳалок бўлган ва 536 киши жароҳатланган. Шимоли-ғарбий Хайбер-Пахтунхва провинциясида 64 киши ҳалок бўлди, 80 киши жабрланди.
Синд, Балужистон ва Гилгит-Балтистон вилоятларидан ҳам ўлим ҳолатлари қайд этилган.
Мамлакат расмийлари одамларнинг ҳаётини сақлаб қолиш ва зарарни камайтиришга ҳаракат қилмоқда. Метеорологларнинг маълум қилишича, кучли ёғингарчилик яқин кунларда ҳам давом этиши кутилмоқда.
Покистондаги муссон мавсуми одатда июндан сентябргача давом этади ва қишлоқ хўжалиги учун жуда муҳим бўлган, лекин кўпинча сув тошқини ва бошқа табиий офатларга олиб келадиган кучли ёмғир келтиради.
Пўлат Бобожонов лавозимидан озод этилди, Абдусалам Азизов янги лавозимга тайинланди
Самарқандда можарога сабаб бўлган бинони бузиш бошланди (видео)
Султон Али Раҳматов оламдан ўтди
