Покистон президенти Карачидаги касалхонага ётқизилди

Покистон президенти Асиф Али Зардорий саломатлиги ёмонлашгани сабабли Карачи шаҳридаги хусусий шифохонага ётқизилди, деб ёзади Anadolu.

Маҳаллий матбуотнинг ёзишича, Зардорий тана ҳарорати юқори бўлгани учун хусусий шифохонага етказилган.

Покистон Халқ партияси (ПХП) манбаларига кўра, ҳозирда Покистон президенти даволанмоқда. Шифокорлар, шунингдек, унинг соғлиғини баҳолаш учун барча керакли тиббий текширувларни бошладилар.

Бундан ташқари, махсус рухсатсиз шифохонага боришга чекловлар жорий этилиб, тиббиёт муассасаси ҳудудида хавфсизлик чоралари кучайтирилган.