Ичидан қайнаб келаётган аламга қасос орқали малҳам қўйишга уриниш фақат инсонлар эмас, ҳайвонот оламида ҳам мавжуд туйғудир. Ҳайвонларни тез унутувчи деб ўйламанг, улардан айримлари гина сақлашга жуда уста. Масалан:
Қарғалар. Бу қушлар одамларнинг юзларини эслаб қоладилар ва ёмон муносабатни кечирмайдилар. Тажрибада олимлар ниқобли қарғаларни тутиб, кейин қўйиб юборишди. Йиллар ўтиб, уларнинг юзини биринчи марта кўришган бўлса ҳам, айнан ниқоб кийганларга ҳужум қилишди.
Филлар. Улар нафақат ақлли, балки қасоскор ҳамдир. Ҳиндистонда илгари деҳқонлар қўлидан жабр кўрган фил ҳар йили уларнинг экинларини атайлаб нобуд қилган. Африкада урғочи филлар овчиларни пистирмага солиб, кутиб туришарди. Олимларнинг фикрича, филлар одамларникига ўхшаш ҳиссий хотирага эга.
Арилар. Айниқса қовоқ ари бошқа ариларнинг юзларини эслаб қолишга қодир. Бу одамларга ҳам тегишли: агар сиз бир вақтлар ари уясини йўқ қилган бўлсангиз, кейинги сафар учрашганингизда улар сизни танийдилар. Улар шунчаки ўзларини ҳимоя қилмайдилар - уларни безовта қилган кишини атайлаб чақадилар.
Дельфинлар. Бу кўркам жониворлар ҳийла-найранг ҳамда сезгир характерга эга. Аразлаган дельфин буйруқларни эътиборсиз қолдириб, мураббийга сув сепади. Шунингдек, аниқ одамларни таниб олишлари ва ёмон муносабатни узоқ вақт эслаб қолишлари мумкин.
Мушуклар.
Уй мушуклари қасос олиш бўйича чемпион. Улар хафалигини эгасига ёқмайдиган ишлар билан ифодалайди. Мушуклар эътиборсизликка қарши қасдлашади - эгаси меҳр кўрсатмаса, у ҳам атайин узоқлашишни бошлайди.
ЖЧ-2026 «тарихдаги энг ифлос мусобақа» бўлиши мумкин
Қозоғистонда 1 миллионга яқин сайғоқни отишга қарор қилишди
Мирзабек Холмедов янги лавозимга тайинланди
