Покистон мудофаа вазири: “Ҳиндистон чекинса, биз кескинликни бартараф этамиз”

Покистон агар Ҳиндистон республикага қарши тажовузкор ҳаракатлардан воз кечса, у билан кескинликни бартараф этади.

Бу ҳақда Покистон мудофаа вазири Хаважа Асиф Bloomberg агентлигига берган интервьюсида маълум қилди.

"Сўнгги икки ҳафта давомида биз Ҳиндистонга қарши душманлик ҳаракатларини амалга ошириш ниятимиз йўқлигини доимо таъкидлаб келдик. Лекин бизга ҳужум қилишса, жавоб берамиз. Агар Ҳиндистон чекинса, биз бу кескинликни тўхтатамиз," - дея унинг сўзларини келтиради агентлик.

Ҳиндистон билан тинчлик музокаралари ўтказиш имконияти ҳақидаги саволга жавоб берар экан, вазир ҳозирда бундай ҳамкорлик учун потенциал имкониятлар ҳақида ҳеч нарса билмаслигини айтди.