Песков: "Россиядан кетаётган танкернинг Франция томонидан ушланиши ноқонуний"

Франция расмийлари томонидан Россиядан кетаётган танкернинг ушланиши ноқонуний ҳисобланади.

Бу ҳақда Россия президенти матбуот котиби Дмитрий Песков брифингда маълум қилди.

"Биз бундай ҳаракатларни ноқонуний деб ҳисоблаймиз; улар халқаро қароқчиликка чегарадош. Биз уларнинг халқаро ҳуқуққа тўлиқ мувофиқ равишда амалга оширилаётганига мутлақо қўшилмаймиз", деди у.

Шуни таъкидлаш керакки, Франция президенти Эммануэль Макрон ижтимоий тармоқларда Франция денгиз флоти бир нечта мамлакатлар ёрдамида танкерни ушлаганини эълон қилди.