АҚШ Қуруқлик қўшинлари вазири Дэн Дрисколл йил охиригача, эҳтимол ундан ҳам олдинроқ лавозимини тарк этади. The Wall Street Journal манбаларига кўра, бунга Пентагон раҳбари Пит Хегсет билан муносабатлардаги кескинлик сабаб бўлиши мумкин.
Дрисколл сўнгги бир ярим йил давомида армияга янги технологияларни жорий этиш бўйича фаол иш олиб борган. У Қуруқлик қўшинлари штаби собиқ бошлиғи генерал Рэнди Жорж билан яқин ҳамкорлик қилган ва Украинага ҳам ташриф буюрган.
Аввалроқ The Telegraph Хегсетнинг илтимосига кўра, Дрисколл Россия–Украина можаросини ҳал этиш жараёнидаги иштирокдан четлатилганини хабар қилганди.
CNN маълумотларига кўра, Дрисколлнинг Оқ уй ва вице-президент Жей Ди Вэнсга яқинлиги Хегсет билан муносабатлар кескинлашишига сабаб бўлган. Ҳатто Трамп маъмуриятида Хегсет ўрнига Дрисколлни тайинлаш имконияти муҳокама қилинган. Дрисколл эса Пентагон раҳбари билан келишмовчиликлар борлигини рад этган.
АҚШ элчиси дунё бошқарувини яҳудийларга бериш таклифи билан чиқди
Туркия Исроилга жавоб зарбасини режалаштирмоқдами?
Исроил собиқ бош вазири Нетаняхуни огоҳлантирди
