Исроил собиқ бош вазири Нетаняхуни огоҳлантирди

Исроилнинг собиқ бош вазири Эҳуд Барак Сурия авиабазасига берилган зарба фонида Туркия билан муносабатларнинг кескинлашувини танқид қилиб, Бинямин Нетаняхунинг ҳаракатларини “ўйламасдан қилинган ва аҳмоқона” деб атади. Баракнинг сўзларига кўра, ҳукумат ҳаракатларида сиёсий сабаб – сайловлар арафасида сунъий равишда таҳдид туйғусини яратишга уриниш кўринмоқда. “Туркия – бу Эрон ёки Асаднинг Сурияси эмас. Туркияда АҚШ билан мувофиқлаштирилган ҳолда махфий алоқалар орқали ҳал қилиб бўлмайдиган ҳеч қандай стратегик муаммо йўқ. Нетаняху бутунлай издан чиқди”, деди Барак.