Павел Дуров суд рухсати билан Францияни тарк этиб, Дубайга жўнаб кетди

Павел Дуров суд рухсати билан Францияни тарк этиб, Дубайга жўнаб кетди. Бу ҳақда AFP нашри хабар берди.

Telegram асосчиси 2024 йил август ойида Парижда ҳибсга олинган эди. Унга уюшган жиноятчилик билан боғлиқ бир қатор жиноятларда, жумладан, наркотик моддаларни тарқатишда ва болалар порнографиясида иштирок этишда ҳамда ваколатли органларнинг сўровларига мувофиқ ахборот тақдим этишдан бош тортишда айбловлар қўйилган эди.

Ҳибсга олинганидан бир неча кун ўтиб, Дуров гаров эвазига қўйиб юборилди ва полицияда белгиланган вақтларда рўйхатдан ўтиш мажбурияти юклатилди. Унга Францияни тарк этиш тақиқланганди.