Париж мэри Олимпиада олдидан Сена дарёсида шахсан сузишни режалаштирмоқда

17 июль куни Париж мэри Анн Идальго Олимпиада ўйинлари бошланишига тўққиз кун қолганида Сена дарёсидаги сув сифатини шахсан ўзи текширмоқчи.

Le Figaro нашрининг хабар беришича, Анн Идальгонинг тарихий шўнғиши 17 июль, чоршанба куни эрталаб бўлиб ўтиши режалаштирилган.

Бундан ташқари, Париж мэри спорт федерацияларидан бирининг лицензияга эга сузувчиларини, жумладан, очиқ сувда сузишни таклиф қилади. Бироқ ҳокимлик “сузиш учун ифлосланиш чегараси яна ошиб кетса, тадбир яна қолдирилиши мумкинлиги” ҳақида огоҳлантирди.

Дастлаб Париж мэри 23 июнь куни сузишни режалаштирган эди, бироқ дарёнинг бактериологик ифлосланишига таъсир этувчи июнь ойининг ёмон об-ҳавоси, шунингдек, Миллий ассамблеяга эрта сайловлар рамзий лаҳзани Олимпиада очилишигача қолдиришга мажбур қилди.

Сена дарёсининг тозалиги июнь ойининг охирида яхшиланиб, дарёда Олимпия ўйинлари ўтказилишидан тўрт ҳафта олдин сузиш стандартларига жавоб бергани хабар қилинганди.