Папа тахти учун кураш. Католик черковини ким бошқаради?

Рим папаси Францис вафотидан кейин дунё 1,3 миллиард католикларнинг янги руҳий раҳбари номини кутмоқда. Етакчи номзодлар орасида бир неча таниқли шахслар бор, уларнинг ҳар бири эътиқод ва халқаро сиёсатга ўз ёндашувига эга.

Италиялик кардинал Клаудио Гугеротти Украинага ҳамдард. У узоқ вақт Киев ва Тбилисида ишлаган, ҳозир эса Шарқий черков ишлари бўйича Ватикан тузилмасини бошқаради. Кузатувчиларнинг айтишича, у "дипломат ва пасторнинг мукаммал уйғунлиги" ва Ватиканда Украинани очиқ қўллаб-қувватловчи кам сонлилардан бири.

Будапешт архиепископи Пéтер Эрдо ҳам нуфузли номзод саналади. У консерватив, аммо мулоқотга очиқ. Тахминларга кўра, Венгрия бош вазири Виктор Орбан кўмагида у Украина ва Россия ўртасида воситачи ролини ўйнаши мумкин.

Шунингдек, Қуддус Патриархи Пиербаттиста Пиццабалла номзоди ҳам муҳокама қилинмоқда. У Хамас ҳужумидан сўнг ўзини исроиллик гаровга олинганларга алмаштиришни таклиф қилганида бутун дунё эслади. У "дипломатик, маънавиятли ва ҳақиқий диндор" деб таърифланади.