COVID-19 пандемияси яқин келажакда назоратга олинади деб ишониш учун барча асослар мавжуд. Бу ҳақда Жаҳон соғлиқни сақлаш ташкилоти раҳбари Тедрос Гебрейесус маълум қилди.
«Биз пандемияни бир неча ой ичида назорат остига олиш учун барча зарур воситаларга эгамиз, агар уларни изчил ва мутаносиб равишда қўлласак, бунга эришамиз», - Гебрейесус.
Шу билан бирга, ЖССТ раҳбари бутун дунё бўйлаб 25 ёшдан 59 ёшгача бўлганлар орасида COVID-19 тарқалиши тезлигининг юқори эканидан хавотир эканлигини маълум қилди.
«Эҳтимол, бу улар орасида вирус тарқалиши осон ва мазкур ёшдагилар ўртасида ижтимоий аралашувнинг юқорилиги натижасида бўлиши мумкин», - деди ЖССТ раҳбари.
Унинг сўзларига кўра, бутун дунёда COVID-19 инфекциясининг янги ҳолатлари сони саккизинчи ҳафта кетма-кет ўсиб бормоқда.
«Ҳозир биз кетма-кет етти ҳафта давомида касалликка чалиниш ҳолатининг ортиши ва тўрт ҳафта ичида ўлимлар сонининг кўпайишига гувоҳ бўлмоқдамиз. Бу қўрқинчли тенденциялар, чунки вируснинг янги вариантлари пайдо бўлиши чеклов чораларининг бекор қилиниши ва вакциналарнинг мамлакатлар ўртасида адолатсиз тақсимланишига ўз таъсирини ўтказмоқда», - деди ЖССТ вакили.
Америкалик таниқли боксчи Баҳодир Жалолов ҳақида фикр бирдирди
ЕЧЛ. Ярим финал. "Бавария" "Реал" билан жанговар дуранг қайд этди
ЖССТ: Исроилнинг Рафаҳга ҳужуми гуманитар фалокатни янада кучайтиради
