Арманистон Хавфсизлик кенгаши котиби Армен Григорян Озарбайжон билан 2023 йил охиригача тинчлик шартномаси имзоланиши мумкин, деб ҳисоблашини маълум қилди.
"Арманистон ва Озарбайжон ўртасида жуда қизғин музокаралар олиб борилмоқда. Агар бу шиддатлилик давом этса ва халқаро ҳамжамият томонидан кучли ёрдам бўлса, йил охиригача тинчлик шартномасини имзолаш имконияти мавжуд. Биз иложи борича тезроқ келишув имзолашга қатъий қарор қилдик", — деб таъкидлади Григорян Арманистон телевидениеси эфирида.
