The New York Times газетасининг манбаларига таяниб хабар беришича, Эрон олий раҳбари Оятуллоҳ Хоминаий агар АҚШ ёки Исроил ўзини ўлдирса, ўрнига тайинланадиган уч нафар номзодни танлади. Олий раҳбарни тайинлаш учун масъул бўлган Экспертлар ассамблеясига ворисни тезкор танлаш бўйича кўрсатма берилган.
"Эронда янги олий раҳбарни тайинлаш жараёни одатда бир неча ой давом этиши мумкин. Аммо ҳозир мамлакатда уруш давом этар экан, расмийларнинг айтишича, Хоминаий ҳокимиятни тезкор ва тартибли топширилишини таъминламоқчи", деб ёзади NYT.
Қайд қилинишича, Хоминаийнинг ўғли, уламо ва Ислом инқилоби қўриқчилари корпусига яқин бўлган Мўжтаба рўйхатда йўқ, ваҳоланки айнан унинг отаси ўрнига асосий даъвогар экани ҳақида миш-мишлар тарқалган эди. Шу билан бирга, Хоминаий ҳарбий қўмондонлар ўлдирилган тақдирда уларнинг ўрнига бир қанча номзодларни танлаган.
"Эрон дастлабки зарбадан кейинги шок ҳолатидан чиқиб олган ва Исроилга кундалик қарши ҳужумлар уюштириш учун сафарбарликни тиклаган. Шу билан бирга, Эронда ўлим қўрқуви шу қадар кучлики, деди расмийлар, разведка хизмати амалдорлар ва ҳарбий қўмондонларга мобил телефон ва бошқа электрон алоқа воситаларидан фойдаланишни тақиқлаган. Уларга ер остида қолиш буюрилган", дея қайд этади газета.
Даҳшат! Эрон биринчи марта замонавий вертикал ракеталардан фойдаланмоқда
Иcроил «Қизил тўй» операцияси доирасида 12 дақиқа ичида Эроннинг ҳарбий раҳбарларини йўқ қилди
Исроил можаросига аралашган учинчи давлат Эрон томонидан зудлик билан жазоланади
