Оқ уй яқинида отишма уюштирган афғонистонлик аввал АҚШ билан ҳамкорлик қилган

Бу ҳақда Fox News хабар бермоқда.

АҚШ Марказий разведка бошқармаси (МРБ) директори Жон Рэтклиффнинг маълум қилишича, Вашингтонда отишма уюштирган афғонистонлик Қўшма Штатларнинг бир қатор ҳукумат тузилмалари, жумладан Марказий разведка бошқармаси билан ҳам ҳамкорлик қилган.

"Байден маъмурияти 2021 йилнинг сентябр ойида бу шахснинг АҚШ ҳудудига кириб келишига йўл қўйган. Бунга сабаб сифатида унинг Афғонистондаги Қандаҳор минтақасида Қўшма Штатларга ёрдам бергани кўрсатилган. Аслида унинг АҚШга киришига умуман рухсат берилмаслиги керак эди", — деди МРБ раҳбари.

АҚШ президенти маъмуриятининг исмини ошкор этмаган вакили Reuters агентлигига гумонланувчи 2025 йилда, Трамп қайта сайлангандан кейин, АҚШдан бошпана олганини билдирган. Шу билан бирга, у расмий эркакнинг илгари судланмаганлиги таъкидлаган.