Оқ уй Трамп импичментига уриниш бўйича стратегия ишлаб чиқмоқда

АҚШ президенти Доналд Трампнинг маслаҳатчилари, агар демократлар келаси йили Конгресс Вакиллар палатасида кўпчиликни ташкил этса, унга нисбатан импичмент эълон қилиш эҳтимолини жиддий кўриб чиқмоқда.

Бу ҳақда Axios портали хабар берди.

Унинг сўзларига кўра, Трамп икки марта импичмент эълон қилинган ягона Америка етакчисидир ва унинг жамоаси бу жараён Оқ уй ишига ва умуман кун тартибига қанчалик таъсир кўрсатиши мумкинлигини жуда яхши тушунади. Яна бир импичмент таҳдиди Америка маъмуриятини 2026-йилги оралиқ сайловларга қадар режалаштирилган қонун лойиҳаларини имкон қадар тезроқ илгари суришга ундади, дейилади нашрда.