Оқ уй Ҳиндистонни Россия-Украина можаросини молиялаштирганликда айблади

Оқ уй аппарати раҳбари ўринбосари Стивен Миллер АҚШ президенти Дональд Трампнинг фикрича, Ҳиндистон Россия нефтини сотиб олиб, Россия-Украина можаросини молиялаштираётгани ҳақида баёнот берди.

Бу ҳақда Стивен Миллер Fox Business телеканалига берган интервьюсида маълум қилган.

"Трамп Ҳиндистоннинг Россиядан нефть сотиб олиш орқали бу урушни молиялашига йўл қўйиб бўлмаслигини аниқ айтди", — деди у.

Миллернинг сўзларига кўра, Америка маъмурияти “дипломатик, молиявий ва бошқа воситалар ёрдамида ушбу можарони тинч йўл билан ҳал қилишга эришишнинг ҳеч қандай вариантларини истисно этмайди”.